"ஆயுள் தண்டனை கைதியுடன் அந்த உறவு..." நடுநடுங்கி போன காவல்துறை! பெண் போலீஸ் காயத்ரி மாலா கொடூரக் கொலையின் திடுக்கிடும் பின்னணி!

ஆயுள் தண்டனை கைதியுடன் அந்த உறவு... நடுநடுங்கி போன காவல்துறை! பெண் போலீஸ் காயத்ரி மாலா கொடூரக் கொலையின் திடுக்கிடும் பின்னணி!

காவல்துறையையே உலுக்கிய ஒரு மிக கொடூரமான குற்றச்சம்பவம் சேலம் மற்றும் சங்ககிரி பகுதியில் அரங்கேறியுள்ளது. சேலம் அஸ்தம்பட்டியில் உள்ள பெண்கள் கிளை சிறையில் முதல் நிலை காவலராகப் பணியாற்றி வந்த எஸ். காயத்ரி மாலா (33) என்ற பெண் காவலர், சங்ககிரி ஏரிக்கரை முட்புதரில் தலையில் 25 கிலோ எடை கொண்ட பாறாங்கல்லைப் போட்டு சிதைக்கப்பட்டு, அரை நிர்வாண நிலையில் சடலமாகக் கண்டெடுக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.

📍 திருமணங்கள், விவாகரத்து மற்றும் மறுமணம்:

கோவையைச் சேர்ந்த காயத்ரி மாலா 2002-இல் இரண்டாம் நிலை காவலராகப் பணியில் சேர்ந்தார். இவருக்கு ஏற்கனவே ஒரு திருமணம் ஆகி, 12 வயதில் ஒரு மகள் உள்ள நிலையில், முதலாவது கணவரை விவாகரத்து செய்தார். பின்னர் வேலூர் சிறையில் பயிற்சிக்காகச் சென்றபோது, அங்கு பயிற்சியாளராக வந்த மதுரை சப்-ஜெயிலர் தமிழ்ச்செல்வனுடன் காதல் ஏற்பட்டு, இருவருக்கும் திருமணம் நடந்தது. இவர்களுக்கு லட்சுமி பிரபா என்ற 4 வயது பெண் குழந்தை உள்ளது. தமிழ்ச்செல்வனுக்கும் இது இரண்டாவது திருமணமே ஆகும். குழந்தை கோவையில் உள்ள காயத்ரி மாலாவின் பெற்றோர் வீட்டில் வளர்ந்து வந்ததால், வாரம் ஒருமுறை காயத்ரி மாலா கோவைக்குச் சென்று மகளைப் பார்த்து வருவது வழக்கம்.

🚌 கோவை பயணம்... திடீர் மாயமான பெண் காவலர்!

கடந்த சனிக்கிழமை இரவு 7 மணிக்கு சேலம் புதிய பேருந்து நிலையத்திலிருந்து கோவைக்குச் செல்வதாகக் கூறிவிட்டுப் புறப்பட்ட காயத்ரி மாலா, வீட்டிற்குப் போய்ச் சேரவில்லை. அவரது செல்போன் இணைப்பும் துண்டிக்கப்பட்டது. இது குறித்து சேலம் பள்ளப்பட்டி காவல்நிலையத்தில் புகார் அளிக்கப்பட்டு போலீசார் விசாரணை நடத்தி வந்தனர்.

💀 சங்ககிரி ஏரிக்கரையில் சிதைந்த சடலம்:

இந்த நிலையில், சங்ககிரி அருகே உள்ள ஆவாரம்பாளையம் ஏரிக்கரையில் உள்ள முட்புதரில் இருந்து துர்நாற்றம் வீசியதைக் கண்டு அப்பகுதி மக்கள் சங்ககிரி போலீசாருக்குத் தகவல் தெரிவித்தனர். சம்பவ இடத்திற்கு விரைந்த போலீசார், அரை நிர்வாணக் கோலத்தில், தலையில் சுமார் 25 கிலோ எடை கொண்ட பாறாங்கல் ஏற்றப்பட்டு முகம் சிதைக்கப்பட்ட நிலையில் கிடந்த சடலத்தைக் கைப்பற்றினர். காயத்ரி மாலாவின் பெற்றோர் மற்றும் கணவர் தமிழ்ச்செல்வன் நேரில் வந்து சடலத்தைப் பார்த்து அடையாளப்படுத்தினர்.

⛓️ 7 ஆண்டு கள்ளக்காதல்... கைதியால் நேர்ந்த கொடூர முடிவு:

போலீசார் நடத்திய தீவிர விசாரணையில், காயத்ரி மாலாவின் செல்போன் தடயங்களைக் கொண்டு கொலையாளியைக் பிடித்தனர். 1997-இல் கொலை வழக்கில் ஆயுள் தண்டனை பெற்று கோவை சிறையில் அடைக்கப்பட்ட சரவணன் என்ற சரவணகுமார் (32) என்பவனுக்கும், காயத்ரி மாலாவுக்கும் கோவை சிறையில் பணிபுரிந்தபோதிலிருந்தே கடந்த 7 ஆண்டுகளாகக் கள்ளத்தொடர்பு இருந்தது தெரியவந்தது.

பரோலில் வெளியே வந்த சரவணகுமார் சிறைக்குத் திரும்பாமல் ஓமலூரில் தலைமறைவாக வாழ்ந்து வந்துள்ளான். சம்பவத்தன்று கோவை சென்ற காயத்ரி மாலாவை போனில் அழைத்து, சங்ககிரியில் இறங்க வைத்துள்ளான்.

ஆவாரம்பாளையம் ஏரிக்கரைக்குச் சென்று இருவரும் உல்லாசமாக இருந்த நிலையில், காயத்ரி மாலாவிடம் சரவணகுமார் ₹5,000 பணம் கேட்டுள்ளான். அதற்கு "வாரம் ஒருமுறை வந்து என்னுடன் உல்லாசமாக இருக்க வேண்டும்" என காயத்ரி மாலா வற்புறுத்தியுள்ளார். கர்ப்பிணி மனைவியைக் காரணம் காட்டி மறுத்த சரவணகுமாரை, "நீ தலைமறைவு கைதி, மாட்டிக் கொடுத்துவிடுவேன்" என காயத்ரி மாலா மிரட்டியுள்ளார். இதனால் ஆத்திரமடைந்த சரவணகுமார், பாறாங்கல்லைத் தூக்கிப் போட்டு காயத்ரி மாலையைக் கொடூரமாகக் கொலை செய்துவிட்டு, நகை மற்றும் செல்போனைத் திருடிக்கொண்டு தப்பியோடியது வாக்குமூலத்தின் மூலம் அம்பலமானது.