வீட்டிலிருந்து ஓடிய முரட்டு ஆள்! மிலிட்டரி கணவனை நூதனமாக ஏமாற்றிய அமுக்கு ராணி மனைவி! இறுதியில் ட்விஸ்ட்!

கிருஷ்ணகிரி மாவட்டம் பெரிய முத்தூர் பகுதியைச் சேர்ந்த முன்னாள் ராணுவ வீரர் சந்தோஷ் குமார். பள்ளி ஆசிரியையான மோனிஷாவுடன் சுமார் 10 ஆண்டுகளுக்கு முன் திருமணம் நடந்தது.

இவர்களுக்கு ஒரு மகனும் ஒரு மகளும் உள்ளனர். ராணுவத்தில் பணிபுரிந்த சந்தோஷ் குமார், மனைவியை ஊத்தங்கரையில் உள்ள தனியார் கல்லூரிக்கு அனுப்பி தனது சொந்தப் பணத்திலேயே படிக்க வைத்தார்.

பின்னர் மனைவி சிலருடன் நெருக்கமாகப் பழகுவதாகத் தெரிந்ததால் விருப்ப ஓய்வு பெற்று சொந்த ஊரிலேயே பால் பண்ணை நடத்தி வந்தார். மோனிஷா கிருஷ்ணகிரியில் உள்ள தனியார் மெட்ரிக் பள்ளியில் தற்காலிக ஆசிரியராகப் பணியாற்றி வந்தார்.

சமீபத்தில் செய்தியாளர்களிடம் பேசிய மோனிஷா, திருமணமான நாள் முதலே கணவர் வரதட்சணை கேட்டு தொல்லை கொடுத்ததாகவும், ஒரு ரூபாய்க்குக் கூட பயனில்லை என்று தன்னைத் தாக்கித் தாய்வீட்டுக்கு அனுப்பிவிட்டதாகவும் குற்றம்சாட்டினார்.

தாய்வீட்டுக்கும் வந்து ஏடிஎம் கார்டைக் கேட்டு அடித்து, கழுத்தில் இருந்த செயின், கையில் இருந்த வளையல் உள்ளிட்டவற்றைப் பறித்துச் சென்றதாகவும் கூறினார். இதுகுறித்து கிருஷ்ணகிரி அனைத்து மகளிர் காவல் நிலையத்தில் தான் புகார் கொடுத்ததாகவும் தெரிவித்தார்.

ஆனால் விசாரணையில் நிலைமை வேறாகத் தெரியவந்தது. மோனிஷா காவல் நிலையத்தில் புகார் கொடுக்கவில்லை. மாறாக, சந்தோஷ் குமார்தான் மனைவி மீது புகார் அளித்திருந்தார்.

குடும்ப வாழ்க்கை பாதிக்கப்படக்கூடாது என்று நினைத்து, புகாரில் முழு விவரங்களையும் எழுதாமல், மனைவி நீண்ட நேரம் செல்போனில் பேசுவதாகவும் அவளை அழைத்துக் கண்டித்து தன்னுடன் வாழ அனுப்பி வைக்குமாறும் கேட்டிருந்தார்.

ஆகஸ்ட் 19 அன்று நடந்தது என்ன?

கடந்த ஆகஸ்ட் 19ஆம் தேதி காலை 11 மணி அளவில் வீட்டுக்கு வந்த சந்தோஷ் குமார், மெயின் கதவைத் தட்டினார். நீண்ட நேரம் தட்டியும் கதவு திறக்கப்படவில்லை. அருகில் உள்ள மற்றொரு கதவைத் திறக்க முயன்றபோது, உள்ளே இருந்த மோனிஷா கதவை இழுத்துப் பிடித்துக்கொண்டிருந்தார்.

கதவை உதைத்துத் திறக்க முயன்ற நிலையில், மெயின் கதவு திறந்து வாலிபர் ஒருவர் செருப்பைக் கையில் பிடித்தபடி ஓடிவிட்டார். மோனிஷாவோ ஒட்டடை அடிக்கும்போது தவறி விழுந்துவிட்டதாகவும் மயக்கமாக இருப்பதாகவும் கூறினார்.

அந்தப் பகுதியில் உள்ள சிசிடிவி காட்சிகளைப் பார்த்த சந்தோஷ் குமாருக்கு உண்மை தெரிந்தது. வீட்டிலிருந்து ஓடியவர், அப்பாசாமி நாயுடு தெருவைச் சேர்ந்த எஸ்பி அலுவலகத்தில் பணியாற்றி ஓய்வுபெற்ற எஸ்ஐ சிவராஜின் மகன் நவீன் என்பது உறுதியானது.

இதேபோல் ஆகஸ்ட் 7ஆம் தேதி காலை 10:45 மணிக்கு போலீஸ் ஸ்டிக்கர் ஒட்டிய புல்லட் வாகனத்தில் நவீன் வந்து பார்க்கிங் செய்துவிட்டு வீட்டுக்குள் சென்றதும், மாலை 3:06 மணிக்கு வெளியே சென்றதும் சிசிடிவியில் பதிவாகியிருந்தது. சுற்றுப்புறத்தினருக்கும் இது தெரிந்திருந்ததாகச் சந்தோஷ் குமார் கூறுகிறார்.

சிசிடிவி ஆதாரத்தை உடனே காட்டாமல், வீட்டிலிருந்து ஓடியவர் யார், எதற்காக வந்தார் என்று மனைவியிடம் கேட்டார். இதனால் கோபமடைந்த மோனிஷா, ஆகஸ்ட் 21ஆம் தேதி சந்தோஷ் குமாரின் சம்பள ஏடிஎம் கார்டு உள்ளிட்ட ஆவணங்களை எடுத்துக்கொண்டு தாய்வீட்டுக்குச் சென்றுவிட்டார்.

போன் பதிவுகள், இன்ஸ்டாகிராம், பணப் பரிவர்த்தனை

மோனிஷாவுடன் பழகி வந்தவர்கள் காவேரிப்பட்டணத்தைச் சேர்ந்த விஜய் மற்றும் அவரது பெரியம்மா மகனான நகை வியாபாரி நவீன் என்பதும் தெரியவந்தது.

விஜய்க்கு சமீபத்தில் தான் திருமணம் நடந்திருந்த நிலையில், அவரிடம் சந்தோஷ் குமார் கேட்டபோது, 2025 டிசம்பர் முதல் இன்ஸ்டாகிராமில் ‘ஹாய்’ என்று மெசேஜ் அனுப்பி மோனிஷாவுடன் பேசிப் பழகியதாகவும், பின்னர் நவீன் தனது ஐடியில் இருந்து மோனிஷாவின் ஐடிக்கு மெசேஜ் அனுப்பி நட்பு ஏற்படுத்திக்கொண்டதாகவும் தெரிவித்தார். தற்போது விஜயின் எண்ணை மோனிஷா பிளாக் செய்திருப்பதாகவும் கூறினார்.

செல்போன் எண்ணை வைத்து யார் யாரிடம் எவ்வளவு நேரம் பேசினார், வாட்ஸ்அப்பில் மெசேஜ் அனுப்பிவிட்டு நீக்கியது உள்ளிட்டவற்றையும் சந்தோஷ் குமார் ஸ்கிரீன்ஷாட்டுகளாக வைத்துள்ளார். மனைவியிடம் போன் செய்து கேட்டபோது, மோனிஷா “நட்பாகத்தான் பழகினேன்.

உன்னால்தான் இப்படி ஆனேன்” என்று சத்தியம் செய்தார். பிள்ளைகள் பெயரால் சத்தியம் செய்தும், “எந்தத் தப்பும் செய்யவில்லை. அவன் என் நண்பன்” என்றே கூறினார். கடைசியாக “என் கூட வாழ விருப்பமா?” என்று கேட்டதற்கு மோனிஷா “இல்லை. நீ செய்வதற்காகத்தான் வாழ விருப்பம் இல்லை” என்று பதிலளித்தார்.

மோனிஷாவின் தாயும் தங்கையும் போனில் பேசும்போது, மோனிஷா நவீனுடன் பைக்கில் ஊர் சுற்றுவதாகவும், யார் சொன்னாலும் கேட்பதில்லை என்றும் பேசியுள்ளனர்.

வங்கிக் கணக்கு ஸ்டேட்மெண்டைப் பார்த்தபோது, எடுத்துச் சென்ற ஏடிஎம் கார்டில் இருந்து 9,000, 9,000 என மொத்தம் சுமார் 72,000 ரூபாய் வரை பணம் எடுக்கப்பட்டிருந்தது. அந்த ஸ்டேட்மெண்டையும் சந்தோஷ் குமார் வைத்துள்ளார்.

ஏடிஎம் கார்டை வாங்க தாய்வீட்டுக்குச் சென்றபோது வாக்குவாதம் ஏற்பட்டு கைகலப்பாக மாறியது. ஆனால் மோனிஷா, கணவர்தான் ஏடிஎம் கார்டையும் நகைகளையும் பறித்துச் சென்றதாகவும், தான் காவல் நிலையத்தில் புகார் கொடுத்ததாகவும் வெளியில் கூறி வந்தார்.

“குடும்பத்தைக் காப்பாற்ற நினைத்தேன்”

சந்தோஷ் குமார் கூறுகையில், “எவ்வளவு தவறு செய்திருந்தாலும் திருந்தி வரட்டும் என்று நினைத்தேன். நாமும் பிள்ளைகளும்தான் ஏமாந்தோம். நாளைக்குப் பிள்ளைகளின் வாழ்க்கை பாதிக்கப்படும் என்று நினைத்து உண்மையை ஒத்துக்கொள்ளச் சொன்னேன். ஒத்துக்கொள்ளவில்லை. குடும்ப வானம் போய்விடும் என்று நினைத்து முதலில் முழு விவரத்தையும் புகாரில் எழுதவில்லை” என்றார்.

ராணுவப் பணியை விட்டுவிட்டு மனைவிக்காக சொந்த ஊருக்குத் திரும்பிய ஒருவர், மனைவியின் திருமணத்தை மீறிய தொடர்பு காரணமாக மனைவியையும் இழந்து நிற்கும் நிலை ஏற்பட்டுள்ளது.

சிசிடிவி காட்சிகள், போன் பதிவுகள், வங்கி ஸ்டேட்மெண்ட் உள்ளிட்ட ஆதாரங்கள் சந்தோஷ் குமாரிடம் உள்ளதாகத் தெரிகிறது. கிருஷ்ணகிரி அனைத்து மகளிர் காவல் நிலையத்தில் இதுகுறித்து மேலதிக விசாரணை நடைபெற வாய்ப்புள்ளது.

English summary : Krishnagiri ex-armyman Santosh Kumar’s wife Monisha publicly accused him of dowry harassment. Probe and CCTV showed a young man fleeing their home on Aug 19; phone and bank records pointed to an extra-marital link. She had taken his ATM card and withdrawn about ₹72,000. He had filed the police complaint, not her.